Marco Perduca: Komunikata e dytë e Kryetarëve të Partisë Radikale Transnacionale për thirrjen e Kongresit në Tiranë

(www.radicalparty.org) DOCUMENTS ON: RADICALS / DOC.TYPE: LETTERS

08/10/2002 | Marco Perduca: Komunikata e dytë e Kryetarëve të Partisë Radikale Transnacionale për thirrjen e Kongresit në Tiranë

Të dashur miq e shokë,

më 26 shtatorin e kaluar, gjate një seance në Gjykaten per ish-Jugosllavine, Sllobodan Milosheviçi përmendi Emma Bonino-n, duke manipuluar deklaratat e bëra shtatë vjet më parë me rastin e masakrave të Srebrenicës. Në të vërtetë, më 15 korrik 1995, Emma Bonino kishte denoncuar regjimin serb për gjenocid dhe për zhdukjen e rreth 15 mijë muslimanëve. Këto denoncime u bënë në kohen që Emma ishte ne enklaven muslimane te Tuzllës per të parë situatën e refugjatëve të Srebrenicës. Emma kërkoi të replikonte formalisht në Hagë për shpifjet e Milosheviçit, i akuzuar per krime kunder njerëzimit dhe gjenocid më 1999 si pasojë e një mobilizimi botëror të lançuar nga Partia Radikale Transnacionale dhe nga Nuk ka Paqe pa Drejtësi...

Këto javë, duke nderprerë qendrimin e saj ne Kajro, Emma mori pjesë në Forumin e parë Botëror të grave mbi globalizimin dhe takoi në Nju Jork Kofi Annan-in bashkë me funksionarë të tjerë të Kombeve te Bashkuara, per t’iu bërë të njohur, midis të tjerash, organizimin e një fushatë nderkombetare kundër gjymtimeve gjenitale femërore, të nisur në 8 marsin e kaluar – gjë që nuk eshte permendur kurre në shtypin italian – që do ta shohë të impenjuar vitin e ardhshem në Afrikë bashke me Nuk ka Paqe pa Drejtësi..
Nga 9 tetori Emma udheheq vëzhguesit ndërkombetarë që do të monitorizojnë zgjedhjet në Ekuador

Një vit pas arrestimit të Olivier Dupuis në Vietnam dhe të shokëve e drejtuesve tanë radikalë në Laos , këto pak ditë që na ndajnë nga kongresi ynë i Tiranës dhe per ta pergatitur e mbushur atë me iniciativë politike , kemi organizuar një seminar mbi mohimin e lirive në Vietnam, Laos e Birmani, duke angazhuar shoket tanë radikalë Vo Van Ai (zëdhënës i Kishës Budiste të Bashkuar të Vietnamit), Wei Jingsheng (kryetar i Koalicionit Kinez të Përtejdetit për Demokraci), Kok Ksor (Kryetar i Montagnard Foundation), Vanida Thephsuovanh (Kryetar i Levizjes Lao per të drejtat e njeriut) të cilët prej vitesh luftojne për të kthyer paqen në vendet e tyre dhe për të nisur nje proces demokratizimi

Bagazhi i luftrave dhe i shpresave që kemi njohur, falë nismës së padhunshme të Olivier-it , është ushqyer me ngjarje të jetuara dhe eshte pasuruar me aderime të rendesishme , duke na imponuar midis përparësive hapjen e nje fronti aziatik juglindor.

Më 21 shtator të ketij viti kemi marrë nismën për një ditë boterore të luftës së padhunshme per liri e demokraci edhe në Vietnam. Sipas njoftimeve të shokeve e miqve tane ka qënë mobilizimi i parë popullor i realizuar nga jovietnamezë që nga koha e luftës.

Dita e luftes së padhunshme është përkrahur nga mbi 4000 vetë nga 103 vende dhe ka parë të marrin pjesë në manifestime, para përfaqësive diplomatike të Hanoit, qindra vetë në dymbedhjetë qytete të ndryshme,për t’i dhënë fund luftës së Vietnamit kunder lirisë e demokracisë, por edhe per tu imponuar institucioneve evropiane respektimin mëse të nevojshem dhe urgjent të legalitetit të vet, me qëllim që të përdoret e ashtuquajtura klauzolë e „të drejtave të njeriut“ dhe që të garantohet siguria e të drejtës.

Manifestimi më i madh radikal i 21 shtatorit të këtij viti u organizua në Washington falë pjesëmarrjes së menjëhershme të 600 montagnards-ve, 70 prej të cilëve të regjistruar në Parti, në të cilin morën pjesë Kok Ksor, Vo Van Ai, Wei Jingsheng dhe udheheqësi antiprohibicionist Arnold Trebach.

Pikerisht Profesori Trebach, pas disa vitesh, vendosi të rishkruhet në Partinë Radikale Transnacionale dhe e bëri këtë në 26 qershorin e ketij viti për të perkujtuar denjësisht ditën botërore kunder drogës dhe për të ripërtërirë marrëdheniet me militantët antiprohibicionistë radikalë. Me të dhe me të tjerë që ishin me ne në fillim të viteve Nentëdhjetë në Lidhja Ndërkombetare e Antiprohibicionistëve, vendosëm të rilançojmë LIA-n, për të ripropozuar, filluar që nga Evropa, reformën e konventës së OKB për drogat. Muajt e kaluar Marco Cappato ka lançuar një rrjet transnacional parlamentarësh antiprohibicionistë per të nisur nje mobilizim politik para vlerësimit të pesë vjetëve të një politike prohibicioniste të Pino Arlacchi-t, që OKB do të bëjë në pranverë të vitit të ardhshëm.

Prandaj, per të aktivizuar LIA-n dhe për të koordinuar nismat parlamentare, kemi thirrur me 15 e 16 tetor në Parlamentin Evropian një asamblè antiprohibicioniste, për të rilançuar nismën sa të përpiktë aq edhe konkrete për një revizionim radikal të konventave ndërkombëtare mbi drogat.

Që nga Këshilli i përgjithshëm i Romës i korrikut te ketij viti kemi bere, veç të tjerash, nje hop cilësor në drejtim të kërkimit e të propozimit të skenarëve për globalizimin e demokracisë. Në Kongresin e Tiranes do të duhet të diskutojme e miratojme nje dokument që të mund të paraqitet në Seul muajin e ardhshem nga Emma Bonino, në kuadrin e mbledhjes së dytë të „Community of Democtraties“. Për gjithë verën, një grupi ynë hulumtuesish, midis të cileve edhe Profesori Ahmed Ziauddin dhe shoket Mariacarmen Colitti e Matteo Mecacci, kane punuar per përpilimin e nje dokumenti, të cilin së shpejti do ta

Publikojmë të plotë on-line. Ky studim niset nga një vështrim mbi organizatat e mjetet ekzistuese dhe përpunon një sërë propozimesh për një organizim të demokracive per demokracinë. Propozimi që Emma do tu paraqesë 107 vendeve në Seul, do të jetë ajo që do të adoptohet nga Kongresi.

Në Kongres do të duhet edhe t’u japim vijim formal vendimeve të marra në sesionin e parë të Gjenevës lidhur me formën statutare të Partisë, duke krijuar një Senat ku të ulen perfaqesuesit e shoqatave të zones radikale

Në të njejtën kohë, siç eshte deklaruar në korrik, do të duhet edhe të rrënjosim nismat për të ardhmen dhe të ngremë hipotezën e kongresit të jashtëzakonshëm në New York në prani të dhjetra e dhjetra përfaqësuesve të popujve të shtypur.

Në siton tone web www.radicalparty.org jemi duke publikuar bocat e relacioneve dhe të mocioneve të përgatitura nga anëtarët e Komitetit të Presidentëve Danilo Quinto, Sergio Stanzani, Olivier Dupuis, Marco Cappato e Marco Perduca. Ju ftojmë t’i lexoni, bashkë me “dokumentet” e tjerë që do të nxjerrim para kongresit.
Të marrësh pjesë në Kongresin e Tiranës do të thotë të marrësh pjesë personalisht në vendime që ndertojnë të ardhmen e Partisë Radikale Transnacionale, do të thotë t’i japësh forcë një projekti politik, të pranuar bashkë me shokë të rinj të rrugës, që dëshiron të imponojë një aktualitet që s’ka lidhje me mediat , me politikën politizuese, me zonat e pushtetit, por që është urgjent e i ngutshëm për miliona njerëz, ai i globalizimit të lirisë, pra të të vetmes formë institucionale që mund të garantojë afirmimin e demokracisë

Eshtë me rendësi të paralajmërohet menjëherë prania e secilit në Tiranë dhe të kalohet menjëherë në prenotimin e vendeve , duke mbajtur parasysh kushtet e favorshme që kemi siguruar.
Mirupafshim së shpejti

Marco Perduca
Anëtar i Komitetit të Presidentëve të PRT

OTHER LANGUAGES

Marco Perduca: Seconda comunicazione del Comitato dei Presidenti del Partito Radicale Transnazionale per la Convocazione del Congresso di Tirana

Marco Perduca: Second letter from the Committee of Presidents of the Transnational Radical Party regarding the Congress in Tirana

Marco Perduca: Seconde communication du Comité des Présidents du Parti Radical Transnational pour la Convocation du Congrès de Tirana

Segundo comunicado del Comité de Presidentes del Partido Radical Transnacional para la convocatoria del Congreso de Tirana