MOCION I VEÇANTË NGA DANILO QUINTO

(www.radicalparty.org) DOCUMENTS ON: RADICALS / DOC.TYPE: PARTY MEETINGS/MOTIONS

04/11/2002 | MOCION I VEÇANTË NGA DANILO QUINTO

Sesioni i dytë i Kongresit të 38-të të Partisë Radikale Transnacionale,

duke marrë parasysh shpërpjestimin ndërmjet objektivave politike dhe burimeve ekonomike që mund të disponojë Partia Radikale, vlerëson përmasën e regjistrimit të dhjetra mijëra vetëve si kusht politikisht i nevojshëm dhe i mjaftueshëm për të garantuar dhe për të siguruar të njëjtën mundësi jetese për arësyet, idetë, shpresat radikale dhe për t’i bërë ballë projektit të formimit të Organizatës Botërore të Demokracisë (ose Demokracive), i cili kërkon investime mjaft konsistente në kohë të shpejta dhe të sigurta, në burime njerëzore dhe finanziare;

kupton situatën e rëndë ekonomiko-financiare të Partisë Radikale dhe të arealit radikal në tërësi, e cila është shkaktuar kryesisht nga mënyra në të cilën është detyruar dhe detyrohet të jetojë edhe tani realiteti radikal në territorin e tij historik, e madje sot edhe më të rëndësishëm, atë italian;

i drejton çdo individi thirrjen urgente për t’u regjistruar menjëherë në Partinë Radikale Transnacionale për vitin 2003, sëbashku me urimin që realitetet e vetmuara të subjekteve politike të organizuara që duan t’i bashkangjiten partisë, ta kuptojnë nevojën për të kontribuar edhe financiarisht dhe konkretisht në veprimet politike urgente dhe të nevojshme për të afirmuar botën e së drejtës, të drejtat, lirinë, demokracinë;

u drejton radikalëve italianë ftesën për të filluar në Itali një fushatë regjistrimesh të përbashkëta për vitin e ri radikal;

Sesioni i 38-të i Kongresit të Partisë Radikale Transnacionale,

vendos të fillojë në Itali, në Evropë dhe në seli ndërkombëtare, një aktivitet intensiv që të ketë si objektiv politik vlerësimin e mëtejshëm të pasurisë radikale, sot e përbërë nga Qendra e Prodhimit të Radios Radikale, Shoqëria e Shërbimeve Torre Argentina, Qendra e Dëgjimit të Informacionit Radioteleviziv;

vendos të hartojë, sëbashku me radikalët italianë, një projekt për të krijuar: një “qendër shërbimesh për politikën”, që të përdorë rrjetin, arkivet, strukturat, aftësinë multimediale për të komunikuar me dhjetëra mijëra njerëz; një portal interneti të arealit radikal në tërësi, në brendësi të të cilit të bëhet e mundur që t’i jepet formë dhe strukturë e organizuar dokumentacionit të prodhuar nga subjektet e arealit dhe vlerësimit të pasurisë fotografike, në kartë, audiovisive, që ruhet në arkive;

për Qendrën e Dëgjimit të Informacionit Radioteleviziv, realitet që gjatë dy dhjetëvjeçarëve të fundit është konsoliduar në Itali në rolin e subjektit udhëheqës në fushën e mbledhjes dhe të përpunimit të të dhënave që kanë të bëjnë me informacionin, sheh të nevojshme t'u drejtohet edhe institucioneve evropiane, projekteve evropiane, si burim financimi për aktivitetet e saj;

përsa i përket Qendrës së Prodhimit, duke e konsideruar Radio Radikalen si mjet absolutisht vendimtar për “rezistencën radikale”, e jo vetëm për të, mendon se është urgjente dhe e nevojshme të fillohet një proces politik, e madje edhe biznesi, që të ketë si objektiv fuqizimin e rrjetit të Radio Radikales, nëpërmjet kërkimit të menjëhershëm të partnerëve “shokë rruge”, ndoshta edhe aksionistë, në gjendje të investojnë menjëherë në këtë drejtim burimet e nevojshme, edhe duke mbajtur parasysh afatin e vjeshtës 2003, kur duhet të rinovohet marrëveshja me Parlamentin italian për transmetimet radiofonike;

uron që, nga njëra anë, të zgjerohet shërbimi publik i Radio Radikales nëpërmjet marrëveshjeve për transmetimin në internet, dhe në video, të sesioneve parlamentare dhe të mundësohen marrëveshje të të njëjtit tip me parlamentet dhe me institucionet e botës dhe, nga ana tjetër, të bëhet e mundur që të imagjinohet një partneritet, edhe nëpërmjet projekteve evropiane të financimit, me subjekte italiane dhe evropiane për ndërtimin e një kanali multimedial informazioni institucional dhe politik – duke pasur parasysh mundësinë që ofron rrjeti satelitor – që të veprojë sipas modelit dhe traditës se Radio Radikales, duke pasur parasysh realitetin e qarqeve, që mbështetet në veçanti nga Kongresi amerikan, realitetin e “radiove klandestine”, të impenjuara në përhapjen e mesazheve të lirisë dhe demokracisë;

mendon se rruga që duhet të përshkojë Organizzata Botërore e Demokracisë, mund të shoqërohet më mirë me një projekt komunikimi që të udhëtojë paralelisht me të; për zbatimin e tij, projekti i “zinxhirit mediatik global” ka nevojë të mbështetet, edhe financiarisht, nga Qeveri dhe Organizzata jo Qeveritare, ndër ata që do të marrin pjesë në mbledhjen e Seulit, e në këtë kuptim ftohet formalisht Qeveria italiane, e në veçanti Ministria për Rinovimin teknologjik, që të marrë pjesë në këtë projekt;

uron që Senati i Partisë, sapo të krijohet dhe të bëhet efektivisht operativ, të fillojë një aktivitet intensiv si përsa i përket objektivit të vlerësimit të mëtejshëm të pasurisë, ashtu edhe përsa i përket kërkesës për të caktuar linjat e politikës finanziare që, duke marrë parasysh entitetet e veçanta politike dhe ekonomiko-afariste të arealit, të jetë në gjendje t’i konvergjojë në një projekt të përbashkët politik, i cili duhet të zbatohet duke garantuar autonomitë e veçanta, që janë të tilla dhe mund të nxirren në pah vetëm nëpërmjet një raporti të vërtetë dhe të sigurtë ndërvarjeje;

së fundi, mendon se një aktivitet kaq i ndërlikuar nuk mund të mos ketë një “frymëmarrje” prej dy-tre vjetësh; duke marrë parasysh se në këtë periudhë, pas 18 muajsh, do të mbahen zgjedhjet evropiane e duke marrë parasysh se ky afat është vendimtar për vetë perspektivën transnacionale, uron që të arrihet tek ai të bindur për idetë tona, por edhe për mundësinë konkrete që ato mund të përhapen duke pasur burimet e nevojshme.

OTHER LANGUAGES

MOZIONE PARTICOLARE a prima firma di Danilo Quinto