Boca dhe Mocionit<br>nga Marco Perduca

(www.radicalparty.org) DOCUMENTS ON: RADICALS / DOC.TYPE: PARTY MEETINGS/SPEECHES

16/10/2002 | Boca dhe Mocionit
nga Marco Perduca

Comment this document, click here
Esprimi la tua opinione su questo documento, clicca qui

(the document is currently under revision by the author)

Partia Radikale Transnacionale

Duke kujtuar që në hyrjen e statutit të vet ajo shpall të drejtën dhe ligjin, të drejtën dhe ligjin edhe (në kuptimin) politik të Partisë Radikale dhe, për respektimin e tyre, përcakton burimin e pashmangshëm të ligjshmërisë së institucioneve,

duke ripërtërirë thirrjen e vet për detyrën e mosbindjes, për mosbashkëpunim, kundërshtim ndërgjegjeje, për format më të larta të luftës së padhunshme për mbrojtjen me jetë të jetës, të së drejtës, të ligjit.

Duke i bërë thirrje edhe një herë vetes, si dhe çdo personi që dëshiron të shpresojë në jetën dhe në paqen, në drejtësinë dhe në lirinë, për respektimin rigoroz, për mbrojtjen aktive të dy ligjeve themelore siç janë: Deklarata e të Drejtave Njerëzore dhe Konventa Evropiane e të Drejtave të Njeriut, si dhe të Kushtetutave të Shteteve që respektojnë parimet që përmbahen në të dy kartat;

duke shpallur liritë themelore të përmbajtura në Marrëveshjen Ndërkombëtare për të drejtat e njeriut e të drejtat civile e politike, që faktikisht kodifikojnë një të drejtë për demokraci ndërkombëtarisht të njohur nga mbi 140 qeveri;

dhe në mënyrë të veçantë, duke përvetësuar hyrjen e Marrëveshjes në pjesën ku afirmohet që "Statuti i Kombeve të Bashkuara u imponon shteteve detyrimin që të inkurajojnë respektimin e zbatimin e të drejtave e lirive të njeriut" dhe që "individi, meqënëse ka detyrime ndaj të tjerëve dhe ndaj bashkësisë së cilës i përket, duhet të përpiqet per të inkurajuar dhe respektuar të drejtat e njohura nga Marrëveshja"

Denoncon se:

- pas 50 vjetësh deklaratash universale, traktatesh ndërkombëtare e rajonale, deklaratash marrëveshjeje që sanksionojnë për qeveritë e gjithë botës detyrimin për të respektuar liritë themelore të njeriut, pas 50 vjetësh indiference politike, ligjore, njerëzore dhe humanitare ndaj secilit që nuk i zbaton ato, ndaj secilit që i shndërron në deklarata fjalëshumë thjesht të tipit urdhërues, domethënë në jo-ligje, duhet kaluar nga e drejta "e shpallur" në të drejtën e aplikuar, duke u bërë të fortë nëpërmjet jodhunës dhe nëpërmjet përdorimit të institucioneve demokratike e liberale, të vetmet që kanë qenë në gjendje të garantojnë një zhvillim të lirë e të begatë në historinë e tashme të njerëzimit;
- me një rregullsi alarmuese në vendet e Evropës kontinentale vërehet një erozion shqetësues i demokracisë nëpërmjet shkeljes së ligjshmërisë nga ana e vetë institucioneve shtetërore që duhet, përkundrazi, të bëheshin garant për to, erozion i ligjshmërisë që ka pasoja për jetën e miliona qytetarëve dhe që minon në themel besueshmërinë ndërkombëtare të Evropës dhe të institucioneve të saj;
- Vendimet e Gjykatës evropiane për të drejtat njerëzore ngelen, në pjesën dërrmuese të rasteve, të papërfillura, d.m.th. letër e vdekur, duke rrezikuar asgjësimin e një institucioni
- i pari me juridiksion mbi të drejtat civile e politike, pra edhe njerëzore - që në letër do të ishte i pajisur me të gjitha karakteristikat e nevojshme për realizimin e mandatit që duhet të përmbushë;

Partia Radikale Transnacionale, per të lançuar një alternativë ndaj situatave të një konsolidimi alarmues të paligjshmërisë institucionale të demokracive reale dhe për të organizuar luftën politike të atyre që besojnë në lirinë individuale dhe që shohin në dialogun me institucionet, nëpërmjet aktivizimit të mekanizmave të ligjshmërisë, një instrument të nevojshëm, por jo të mjaftueshëm, të veprimit të vet politik,

afirmon nevojën e një mobilizimi për t'u kujtuar institucioneve ndërkombëtare, duke filluar nga ato evropiane, parimin e vet të ligjshmërisë, me qëllim që të imponohet siguria e së drejtës në xhunglën e ligjeve, që është ligji i vërtetë i xhunglës;

në këtë kuadër përshendet debatin në kongres për dokumentin e paraqitur nga Komiteti i Presidentëve që përmban propozimet e një zhvillimi të mundshëm të një organizimi të demokracive për afirmimin dhe promovimin e demokracisë dhe përgëzon zgjedhjen e propozimeve përfundimtare (...) i jep mandat Emma Bonino-s që ta çojë këtë propozim, në emër të Partisë Radikale Transnacionale, në mbledhjen e dytë të Community of Democracies që do të mbahet në Seul nga 10 deri më 12 nëntor , me shpresën që ai të mund të kontribuojë në debatin që do të zhvillohet midis përfaqësuesve të 107 qeverive si dhe të qindra organizatave joqeveritare.

angazhohet menjëherë që t'i vazhdojë faktikisht propozimet e bëra në Tiranë, duke u përpjekur që gjatë muajve të ardhshëm të fillojë një aksion që do të synojë organizimin e një bërthame të parë të vendeve demokratike, në mënyrë që mbledhja e Santiago-s 2004 e Community of Democracies të mund të ketë karakteristikat e një summit-i demokracish që pasurohen duke shkëmbyer përvojat dhe rrugët e ndjekura të cilat, nga paslufta deri më sot, kanë bërë që Evropa dhe Amerikat të pajiseshin me mjete e mekanizma për ndëshkimin e shkeljeve të të drejtave themelore të njeriut, me qëllim për të rishikuar në mënyrë radikale marrëdhëniet ndërkombëtare midis shteteve e midis shtetit dhe qytetarit.

Edhe për këtë qëllim, uron që për zgjedhjet evropiane të 2004-ës të arrihet në krijimin e një Transpartie radikale evropiane për Shtetet e Bashkuara të Evropës dhe të Amerikës, e inkuadruar në Partinë radikale Transnacionale, si një mjet që mund t'i shërbejë hapjes së fronteve të lirisë, të demokracisë, për sigurinë e së drejtës në të gjitha ato vende që kanë vendosur të bashkohen në Bashkimin Evropian - e para organizatë e vendeve demokratike - për të riaktualizuar, duke i forcuar, parimet frymëzuese të Manifestit të Ventonene-s

I bën thirrje gjithë qytetarëve të shteteve anëtare të BE dhe atyre të vendeve, të cilat priten të hyjnë në të, që do të arrihen nga ky vendim i kongresit, me qëllim që të mobilizohen menjëherë për të krijuar kushtet politike, ekonomike e financiare të nevojshme për krijimin e komiteteve elektorale për Transpartinë radikale evropiane për Shtetet e Bashkuara të Evropës e të Amerikës, inkuadruar në Partinë radikale Transnacionale. Afati i zgjedhjeve evropiane të 2004-ës paraqet një rast të parë të rëndësishëm për të nisur organizimin, edhe elektoral, të atyre që mendojnë se vetëm nëpërmjet afirmimit të të drejtave historikisht të natyrshme dhe të demokracisë politike mund të afirmohet ndërgjegjja individuale dhe të kihet kështu e drejta për jetën dhe jo thjesht për ekzistencë.

OTHER LANGUAGES

Bozza di mozione
di Marco Perduca

Draft Motion
by Marco Perduca

Borrador de moción
de Marco Perduca

Projet de Motion
par Marco Perduca