GENERAL MOTION APPROVED BY THE 38TH CONGRESS OF THE TRP

(www.radicalparty.org) DOCUMENTS ON: RADICALS / DOC.TYPE: PARTY MEETINGS/MOTIONS

04/11/2002 | GENERAL MOTION APPROVED BY THE 38TH CONGRESS OF THE TRP

Partia Radikale Transnacionale

Falenderon Qeverinë dhe autoritetet shqiptare për mikpritjen dhe për mundësinë që i dhanë për mbajtjen e Kongresit në Tiranë si edhe për pjesëmarrjen aktive në punime;

Duke rikujtuar mocionin e përgjithshëm të miratuar me rastin e sesionit të parë të Kongresit të 38-të, përshëndet në mënyrë të vecantë përfaqësuesit dhe eksponentët e popujve të shtypur që kanë zgjedhur Partinë Radikale Transnacionale, me objektivin e saj për të formuar një Organizatë Botërore të Demokracisë, si mjet themelor edhe për frontet e tyre të betejës pa dhunë për afirmimin e të drejtave të njeriut, të drejtave civile e politike;

Duke kujtuar që në parathënien e statutit të vet shpallet e drejta dhe ligji, te drejta dhe ligje edhe politike të Partisë Radikale dhe që, nëpërmjet respektimit të tyre vihet në dukje burimi i pakapërcyeshëm nga rrjedh legjitimiteti i institucioneve;

Duke rinovuar thirrjen e saj për detyrën ndaj mosbindjes, ndaj mosbashkëpunimit, ndaj kundërshtimit sipas ndërgjegjes, ndaj formave më të larta të betejës pa dhunë për mbrojtjen me jetë të jetës, të së drejtës, të ligjit;

Duke i bërë thirrje edhe një herë vetvetes dhe cdo personi që dëshiron të shpresojë në jetën dhe paqen, në drejtësinë dhe lirinë, që të respektojë, të mbrojë aktivisht dy ligje themelore si: Deklaratën e te Drejtave të Njeriut dhe Konventën Evropiane e të Drejtave të Njeriut, si edhe Kushtetutat e Shteteve që respektojnë parimet, të cilat përfshihen në dy Kartat;

Duke marrë parasysh se:

Hyrja në fuqi e Statutit të Romës më 1 korrik 2002 paraqet kurorëzimin e projektit politik për lindjen e Gjykatës Penale Ndërkombëtare promovuar nga Partia Radikale Transnazionale e nga "Nuk ka paqe pa drejtësi" në korrik 1993, në indiferencën e plotë të atëhershme të Bashkësisë Ndërkombëtare, për të pajisur të drejtën dhe institucionet ndërkombëtare me mjete juridike të përshtatshme për të garantuar zbatimin e normave ekzistuese përsa i përket genocidit, krimeve të luftës dhe krimeve kundër njerëzimit;

Fushata ndërkombëtare e nisur në 1993 nga Partia Radikale Transnacionale dhe nga "Askush të mos prekë Kainin" për pezullimin e dënimit me vdekje në të gjithë botën do të ketë një moment mobilizimi të madh me rastin e Asamblesë të Përgjithshme të Kombeve të Bashkuara të vitit të ardhshëm, me qëllim që Bashkimi Evropian të vendosë që të paraqesë dhe të propozojë për votim një rezolutë që të realizojë këtë objektiv;

Që prej 50 vjetësh institucionet më të mëdha ndërkombëtare dhe rajonale, duke filluar nga Organizata e Kombeve të Bashkuara, kanë miratuar Deklarata universale, traktate ndërkombëtare dhe deklarata me të cilat sanksionojnë ekzistencën e të drejtave të njeriut, të drejtave civile dhe politike, për të gjithë njerëzit që banojnë në planet, dhe që gjithnjë nuk respektohen nga pjesa më e madhe e shteteve;

Në mënyrë sistematike, mjaft alarmuese, asistojmë erozionin shqetësues të demokracisë nëpërmjet dhunimit të parimit të ligjshmërisë mbi të cilin janë ndërtuar vendet e demokracisë së vërtetë ;

Mendon që

Ndërhyrjet e tipit ushtarak, të cilat janë nganjëherë të nevojshme për të garantuar paqen dhe sigurinë ndërkombëtare e që mund të realizohen nga shtetet e vecanta, nga NATO, ose me mandatin e Organizatës së Kombeve të Bashkuara, nuk janë më të përshtatshme për nevojat, që tashmë nuk mund të shtyhen më tej, për promovimin e demokracisë dhe të lirisë aty ku janë në fuqi regjimet totalitare, diktatoriale dhe autoritare ;

Vendet e demokracisë së vërtetë që bëjnë pjesë në NATO, duke filluar nga mbledhja e ardhshme e Këshillit të Atllantikut që do të mbahet në Pragë nga 21 deri më 22 nëntor, duhet t'i bashkangjisin analizës dhe zhvillimit të armëve dhe strategjive ushtarake tradicionale, promovimin e demokracisë si strategji me përparësi për të luftuar dhe mundur në mënyrë të qëndrueshme ata që kryejnë atentate kundër paqes dhe sigurisë ndërkombëtare ;

Duhet të promovohet një organizim botëror i demokracive që të ketë si politikë me përparësi, pa e shtyrë më, krijimin e një Organizate Botërore të Demokracisë, si mjet në gjendje të zbatojë efektivisht normat juridike ndërkombëtare për të drejtat e njeriut, të cilat, nëse do të vazhdojnë të mbeten në letër, paralajmërojnë tragjedi të reja njerëzore dhe humanitare për pjesën më të madhe të popullsisë që banon në planet ;

Objektivi i lindjes së një Organizimi Botëror të Demokracive per krijimin e një Organizate Botërore të Demokracisë përfaqëson të vetmin mjet të aftë për t'i " deklaruar luftë " kauzave të thella të konflikteve të armatosura e të terrorizmave që kanë përgjakur një pjesë të madhe të shekullit të kaluar dhe vazhdojnë të karakterizojnë edhe fillimin e shekullit të ri: mungesa e demokracisë dhe e lirisë për miliarda njerëz që jetojnë nën regjimet diktatoriale dhe autoritare;

Sheh:

Në Konferencën e Dytë Ndërqeveritare të Bashkësisë së Demokracive që do të zhvillohet ne Seul në Korenë e Jugut nga 10 deri më 12 nëntor, dhe në mbledhjen paralele të Organizatave Jo Qeveritare, forumin e parë ndërkombëtar në të cilin të paraqitet projekti për lindjen e Organizimit Botëror të Demokracive për krijimin e Organizatës Botërore të Demokracisë;

Vendos t'i propozojë Forumit jo Qeveritar të Konferencës së dytë të Bashkësisë së Demokracive, dhe nëpërmjet kontakteve me delegacionet qeveritare, edhe forumit qeveritar, adoptimin e këtij projekti:

1) Krijimin formal të një Sekretariati të përhershëm të Bashkësisë së Demokracive i përbërë nga përfaqësues të grupit të vendeve promovuese, që të ketë për detyrë zbatimin e plotë të Deklaratës së Varshavës të vitit 2000, të Planit të veprimit që do të adoptohet nga Konferenca e Seulit dhe të vazhdojë me përpilimin e një projekti që nëpërmjet Konferencës ndërqeveritare përgatitore të mund të arrijë në thirrjen e një konference diplomatike, e cila të cojë në formalizimin e lindjes se Organizatës Botërore të Demokracisë;
2) Krijimin formal të " Democracy Caucuses ", ose të grupeve të vendeve demokratike, brenda sistemit të Kombeve të Bashkuara dhe të organizatave të tjera ndërkombëtare rajonale si Këshilli i Evropës dhe Organizata e Shteteve Amerikane, duke u nisur nga sa është sanksionuar në Deklaratën e Varshavës dhe në Komunikatën e përbashkët të Ministrave të Jashtëm të grupit të vendeve promovuese, adoptuar në shtatorin e vitit 2000, që duhet të thirren të paktën 6 herë në vit për të diskutuar mbi temën e zbatimit efektiv të Kartave themeluese të këtyre organizatave ndërkombëtare;
3) Në selitë ndërkombëtare kompetente dhe në selinë e "Democracy Caucuses", t'i jepet përparësi zbatimit të kriterit mbi respektimin e të drejtave të njeriut e të parimeve demokratike në rastin e zgjedhjes së Shteteve si organe të këtyre organizatave dhe në rastin e zgjedhjes së ekspertëve brenda organeve të monitorizimit;
4) Të promovohen si nëpërmjet Komisionit të të drejtave të njeriut, ashtu edhe nëpërmjet Asamblesë së Pergjithshme rezoluta që të kenë si objektiv krijimin e një Komiteti Përgatitor me detyrën për të paraqitur propozime për një segment të ri të së drejtës ndërkombëtare, që mund të sjellë lindjen e Organizatës Botërore të Demokracisë ;
5) Të promovohen nëpërmjet Kombeve të Bashkuara iniciativa që, edhe nëpërmjet rezolutave të miratuara nga Asambleja e Përgjithshme, t'i njohin Këshillit të Sigurimit kompetencat në situatat ku dhunimi sistematik i të drejtave të njeriut, i demokracisë, i shtetit të së drejtës konsiderohet një kërcënim për paqen dhe sigurinë ndërkombëtare.

OTHER LANGUAGES

MOZIONE GENERALE

GENERAL MOTION APPROVED BY THE 38TH CONGRESS OF THE TRP

GHENERALA MOCIO.APROBITA DE LA 38a KONGRESO DE TRM

CONGRES PR : LA MOTION GENERALE APPROUVEE

CONGRESO PR: LA MOCION GENERAL HA SIDO APROBADA